Nga Redaksia – Nga laboratorët “që humbin” viruse, te mediat që ndezin panik global brenda pak orësh — shumë qytetarë në mbarë botën po shtrojnë sot të njëjtën pyetje: a po përgatitet një tjetër lockdown global?
Pas traumës së viteve të pandemisë COVID-19, ku miliarda njerëz u izoluan, ekonomitë u paralizuan dhe liritë themelore u kufizuan në emër të “sigurisë shëndetësore”, çdo sinjal i ri për viruse, bio-laboratorë apo emergjenca sanitare shihet tashmë me dyshim nga opinioni publik.
Rasti i fundit në Australi ka ngritur alarmin. Autoritetet në Queensland pranuan se qindra mostra me viruse të rrezikshme biologjike, përfshirë Hantavirusin, Lyssavirusin dhe virusin vdekjeprurës Hendra, rezultojnë të humbura prej vitesh. Skandali u mbajt i fshehtë për një kohë të gjatë dhe u zbulua vetëm më vonë, duke ngritur pikëpyetje të mëdha mbi kontrollin real të laboratorëve biologjikë.
Por për shumë analistë kritikë, kjo nuk është thjesht neglizhencë laboratorike.
Ata besojnë se po krijohet gradualisht klima psikologjike për një krizë të re globale, ku frika do të përdoret sërish si armë për të justifikuar kufizime, kontroll digjital dhe centralizim pushteti.
Nga COVID te “plandemia” e radhës
Gjatë pandemisë së COVID-19, shumë qeveri imponuan masa ekstreme:
- mbyllje totale të ekonomive,
- ndalim lëvizjeje,
- censurë ndaj mendimeve ndryshe,
- presion për vaksinime masive,
- kontroll të informacionit në rrjetet sociale.
Në atë periudhë, kush ngrinte pyetje etiketohej menjëherë si “teoricien konspiracioni”. Por sot, edhe media tradicionale pranon se pati:
- manipulime statistikash,
- konflikte interesi,
- marrëveshje të errëta me kompanitë farmaceutike,
- dhe përdorim politik të frikës kolektive.
Pikërisht për këtë arsye, çdo narrativë e re pandemike po shihet me mosbesim nga miliona njerëz.
Viruset, arma perfekte e kontrollit
Ndryshe nga luftërat klasike, një pandemi krijon:
- frikë globale,
- izolim social,
- varësi nga shteti,
- dhe bindje të detyruar.
Një virus nuk ka nevojë për tanke apo raketa. Mjafton paniku mediatik dhe njerëzit mbyllen vetë në shtëpi.
Kritikët e globalizmit paralajmërojnë se elitat financiare dhe strukturat transnacionale kanë kuptuar fuqinë e jashtëzakonshme të kontrollit përmes emergjencave shëndetësore. Sipas tyre, modeli i lockdown-it u pa si “eksperiment i suksesshëm” për testimin e bindjes masive të popullsisë.
Pse po rikthehet narrativa e Hantavirusit?
Në javët e fundit, mediat ndërkombëtare kanë publikuar mijëra artikuj mbi Hantavirusin dhe rreziqe të tjera biologjike. Kjo ka ndezur dyshime se po ndërtohet gradualisht një klimë e re frike.
Eliita ka vite që ka planifikuar viruse kur nuk funksiononte plani i tyre:
SARS (2002), H1N1 “swine flu” (2009–2010), Ebola (sidomos 2014–2016) dhe COVID-19 (2019–2020) janë ngjarje reale epidemiologjike që shpjegohen nga mjekësia dhe epidemiologjike
Por sot shumë qytetarë pyesin:
- Pse lajme të tilla shpërndahen njëkohësisht në gjithë botën?
- Pse laboratorët biologjikë vazhdojnë të operojnë me mungesë transparence?
- Kush përfiton ekonomikisht nga emergjencat globale?
Këto pyetje nuk janë më tabu si dikur.
Historia ka treguar se popujt humbasin liritë jo vetëm me forcë ushtarake, por edhe përmes frikës së organizuar.
Nëse bota do të përballet me një tjetër emergjencë globale, qytetarët kërkojnë këtë herë transparencë të plotë, debat të hapur shkencor dhe llogaridhënie reale nga qeveritë dhe korporatat farmaceutike.
Sepse shumë njerëz nuk janë më të gatshëm të pranojnë verbërisht çdo “emergjencë” që serviret nga të njëjtat struktura që përfituan miliarda gjatë pandemisë së kaluar.